თაკო ჩარკვიანი უმრავლესობას - შეშინებულ თვალებს ვხედავ - დღეს თქვენ საქართველოს სახელმწიფოს კლავთ

ხელ-ფეხს რომ იქნევენ, ამას ნუ უყურებთ, შიში სხვა რამეა, თვალის გუგაში რომ ჩაგიგუბდება - პოლიტიკურ მკვლელობას ჩადიხართ და პოლიტიკური მკვლელი ზუსტად ისეთივე მშიშარაა, როგორც ჩვეულებრივი მკვლელი, რომელიც ადამიანს კლავს , - ასე მიმართა ოპოზიციონერმა დეპუტატმა თამარ ჩარკვიანმა საპარლამენტო უმრავლესობის წევრებს პარლამენტის პლენარულ სხდომაზე, სადაც ე.წ. აგენტების შესახებ კანონპროექტებს განიხილავენ.

ჩარკვიანის განცხადებით, აღნიშნულ კანონპროექტების მიღება საქართველოს ფინანსურ იზოლაციაში დატოვებს, რაც პოლიტიკურ იზოლაციას მოიტანს.

„შეშინებულ თვალებს ვხედავ. ხელ-ფეხს რომ იქნევენ, ამას ნუ უყურებთ - შიში სხვა რამეა, თვალის გუგაში რომ ჩაგიგუბდება. გაფართოებულ თვალებს ვხედავ. პოლიტიკურ მკვლელობას ჩადიხართ. პოლიტიკური მკვლელი ზუსტად ისეთივე მშიშარაა, როგორც ჩვეულებრივი მკვლელი, რომელიც ადამიანს კლავს. დღეს თქვენ საქართველოს პოლიტიკურ სახელმწიფოს კლავთ. არ ჩაიდინოთ ეს! ადექით რა, მაგ [მმართველი გუნდის] ფლანგიდან, ქალები არ ხართ? ვინ აწერთ 37 წლის კანონს ხელს? მე მწირავთ? ჩემნაირებს? გარეთ რომ კარგად მხვდებით, ჩემნაირებს სწირავთ? გგონიათ მხოლოდ არასამთავრობოებზეა ეს კანონი? ქვეყანას ფინანსურად იზოლაციაში დატოვებთ, რაც პოლიტიკურ იზოლაციას მოიტანს. ყველა პოლიტიკური „კილერის“ სახელი ჩაიწერება ისტორიაში. არ გააკეთოთ ეს, ბატონებო! სულ ცოტა დღევანდელი დღე მაინც გადადეთ და ფიქრისთვის დაიტოვეთ დრო. ფიქრის გარეშე არ მოკლათ ქართული სახელმწიფო, დაფიქრდით მაინც და ისე ესროლეთ. 21-ე საუკუნეში ქართულ სახელმწიფოს კლავთ. მაბეზღრულ, სამარცხვინო რუსულ კანონს იღებთ. ყველა ხელის მომწერი ჩვეულებრივი ყორღანაშვილი ხართ. მოღალატეებისგან ყოველგვარი წყენის გარეშე - სულ ფეხებზე მკიდია, რას იტყვის ნებისმიერი მოღალატე“, - განაცხადა თამარ ჩარკვიანმა.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად