უსაფრთხოების ზომებიდან გამომდინარე „გალერეა თბილისი“ დროზე ადრე დაიკეტა
უსაფრთხოების ზომებიდან გამომდინარე თავისუფლების მოედანთან მდებარე სავაჭრო ცენტრი „გალერეა თბილისი დროზე ადრე იკეტება ამის შესახებ „ინტერპრესნიუსს „გალერეა თბილისის“ კომუნიკაციების სამსახურის ხელმძღვანელმა განუცხადა.
მისი თქმით, სავაჭრო ცენტრში მყოფ მოქალაქეებს უკვე სთხოვეს ტერიტორიის დატოვება.
„გამომდინარე იქიდან, რომ რუსთაველზე მიმდინარეობს აქცია და როგორც გვაქვს ინფორმაცია ტექნიკა არის მობილიზებული, უსაფრთხოებიდან გამომდინარე ვფიქრობთ, რომ სავაჭრო ცენტრი დაიკეტოს ერთი საათით ადრე. აი ახლა განვუცხადეთ მოქალაქეებს, რომ სავაჭრო ცენტრი იკეტება“, - განაცხადა კომუნიკაციების სამსახურის ხელმძღვანელმა.
