პაატა დავითაია - ახლა როდესაც, ჩვენი ქვეყნის ევროპულ ოჯახში  ისტორიულ დაბრუნებამდე რამდენიმე ნაბიჯი დარჩა, ამ კანონის მიღება კატეგორიულად მიუღებელია

პარტია „ევროპელი დემოკრატები“ პარლამენტში ე.წ. აგენტების შესახებ კანონის პირველი მოსმენით მიღებასთან დაკავშირებით განცხადებას ავრცელებს.

„ევროპელი დემოკრატების“ თავმჯდომარის, პაატა დავითაიას განცხადებით, ახლა, როდესაც, ჩვენი ქვეყნის ევროპულ ოჯახში ისტორიულ დაბრუნებამდე რამდენიმე ნაბიჯი დარჩა, ამ კანონის მიღება კატეგორიულად მიუღებელია.

„ცოტა ხნის წინ ამერიკის საელჩომ გაავრცელა ძალიან მკაცრი განცხადება მიმდინარე პროცესთან დაკავშირებით. „შავი დღე ქართული დემოკრატიისთვის“, არის მძიმე, მაგრამ სწორი შეფასება იმ ვითარებისა, რომელიც ამ კანონთან დაკავშირებით შეიქმნა.

ჩვენი პარტნიორების არაერთგზის განცხადებების შემდეგ ამ კანონპროექტის გატანა ჩვენი ქვეყნის ევროპული გზიდან გადახვევა და სახელმწიფო ინტერესების დაზიანებაა. ქართველი ხალხის არჩევანი არის დემოკრატია და თავისუფლება. ამას მოწმობს პროტესტი, რომელსაც ახლა გამოხატავენ ჩვენი მოქალაქეები რუსთაველის გამზირზე. ეს პროცესი ცუდი შედეგით დამთავრდება თავად ხელისუფლებისთვის, რადგან საზოგადოება ამ კანონის მიღებას არ შეეგუება.

მოვუწოდებ ხელისუფლებას, გააცნობიეროს პასუხისმგებლობა იმ პროცესზე, რაც კანონს მოჰყვა. ეს აღმოჩნდება ისტორიული შეცდომა ჩვენი ქვეყნისთვის. ხელისუფლებამ არ უნდა დაუშვას პროცესის ესკალაცია“, - განაცხადა პაატა დავითაიამ.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს