აქციის მონაწილეების ნაწილი, წყლის ჭავლით დაშლის შემდეგ, ისევ რუსთაველის გამზირზე, პარლამენტთან დაბრუნდა.

ცოტა ხნის წინ, აქციის მონაწილეებმა ის რკინის ჯებირები მოარღვიეს, რომელიც პარლამენტის წინ, ცენტრალურ შესასვლელთან იყო აღმართული. ახლა ისინი პარლამენტის რკინის ღობის სიახლოვეს არიან, რომლის უკანაც სპეცდანიშნულების რაზმის წარმომადგენლები დგანან.

აქციის მონაწილეები სპეცრაზმის წარმომადგენლებს "მონებს" უწოდებენ და ტერიტორიის დატოვებისკენ მოუწოდებენ.