ანგარიშვალდებული გვეყოლება ისინი, ვინც შეეწინააღმდეგება ქართველი ხალხის ნებას, - ამის შესახებ აშშ-ის სახელმწიფო დეპარტამენტის პრესსპიკერმა ნედ პრაისმა ბრიფინგზე განაცხადა.

მისი თქმით, სანქციებთან დაკავშირებით კონკრეტულ პირებზე როგორც წესი, არ საუბრობს, თუმცა ახლოდან დააკვირდებიან კონტექსტს.

"როგორც იცით, კონკრეტულ პიროვნებებზე ან დაწესებულებზე არ ვსაუბრობ ხოლმე, რომლებიც აშშ-ის ან ნებისმიერი სხვა სანქციების სამიზნეები შესაძლოა გახდნენ, თუმცა ხელთ რიგი ინსტრუმენტები გაგვაჩნია, რომლებიც საშუალებას მოგვცემს ანგარიშვალდებულებაში გვყავდეს ნებისმიერი ადამიანი, ნებისმიერ ქვეყანაში, ვინც პასუხისმგებელია უნივერსალური ადამიანის უფლების დარღვევაზე.

ახლოდან დავაკვირდებით ამ კონტექსტში, როგორც ნებისმიერ სხვა კონტექსტში, რათა ანგარიშვალდებულებაში გვყავდეს ისინი, ვინც შეეწინააღმდეგება ქართველი ხალხის ნებას და რაც ყველაზე მნიშვნელოვანია, იმას, თუ რას ელის და იმსახურებს ქართველი ხალხი მათი უნივერსალური უფლებების მხრივ”, - თქვა პრაისმა.