აქციის მონაწილეები და ოპოზიციონერი პოლიტიკოსები პარლამენტის მიმდებარე ტერიტორიაზე ისევ რჩებიან

პარლამენტთან აქციის მონაწილეები და ოპოზიციონერი პოლიტიკოსები ამ დრომდე რჩებიან.

ისინი საკანონმდებლო ორგანოს მიმდებარე ქუჩებზე იმყოფებიან, ვინაიდან უშუალოდ რუსთაველის გამზირზე, პარლამენტის შენობის წინა პერიმეტრზე გადაადგილების საშუალებას ადგილზე განლაგებული სპეცრაზმი არ აძლევს. რუსთაველის გამზირზე, პარლამენტის შენობის წინა ტერიტორიაზე სწორედ სპეცდანიშნულების რაზმის წარმომადგენლები განალაგეს.

შეგახსენებთ, რომ შინაგან საქმეთა სამინისტრომ პარლამენტთან შეკრებილი აქციის მონაწილეების დაშლა, რომლებიც საკანონმდებლო ორგანოს მიერ ე.წ. აგენტების შესახებ კანონპროექტების პირველი მოსმენით მიღებას აპროტესტებენ, 7 მარტს, საღამოს დაიწყო. მომიტინგეების დასაშლელად უწყებამ არაერთხელ წყლის ჭავლი, წიწაკის სპრეი და ცრემლსადენი გაზი გამოიყენა, თუმცა აღნიშნულის შემდეგ აქციის მონაწილეები კვლავ პარლამენტთან ბრუნდებოდნენ. რუსთაველის გამზირის მომიტინგეებისგან გათავისუფლების სამუშაოებს შსს უკვე რამდენიმე საათია ახორციელებს.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 15.07.2024
მეხუთე თაობის „სანტა ფე“ - მზად ნებისმიერი თავგადასავლისთვის