პარლამენტის მიმდებარედ „ნაციონალური მოძრაობის“ წევრ ნიკა მელიასა და სამართალდამცავებს შორის დაპირისპირება იყო.
„მართლა ტყვეობაში ხარ! რად გიღირს, რომ 3 ათას ლარად ამ ყველაფერს აკეთებ?“, - მიმართა ნიკა მელიამ ერთ-ერთ სამართალდამცავს.
როგორც ნიკა მელიამ ჟურნალისტებთან აღნიშნა, რაც მეტ მოქალაქეს დააკავებენ დღეს, მით ნაკლები მოქალაქის დაკავებას შეძლებენ ხვალ.
„აბსოლუტურად არიან გასულები კონსტიტუციური სივრციდან. დეკორაციულად ცდილობდნენ, რომ წარმოეჩინათ, თითქოს საზოგადოებრივ წესრიგს იცავენ, მაგრამ ეს დეტალებია... მადლობა იმ ახალგაზრდების მშობლებს, რომლებმაც დღეს რუსის მსახურება შეაკავეს. იცით რაში მდგომარეობს საზოგადოების პარადოქსულობა? რაც მეტს დააკავებენ დღეს, მით ნაკლების დაკავებას შეძლებენ ხვალ“, - განაცხადა ნიკა მელიამ.
