ევროპარლამენტარი რასა იუკნევიჩიენე მმართველ პარტიას მოუწოდებს, მოუსმინოს ხალხს.

როგორც ევროპარლამენტარი „ტვიტერზე“ წერს, “უცხოელი აგენტის” კანონის წინადადება საფრთხეს უქმნის საქართველოს ევროატლანტიკური გზის გაგრძელებას.

„ჩემი მოწოდებაა ყველა პასუხისმგებელ პოლიტიკოსის მიმართ საქართველოში - განსაკუთრებით მმართველი პარტიისთვის - გთხოვთ მოუსმინოთ თქვენს ხალხს, ნუ დაანგრევთ თქვენი ქვეყნის მომავალს”,- წერს ევროპარლამენტარი და ეხმაურება თბილისში განვითარებულ მოვლენებს.

შეგახსენებთ, რომ შინაგან საქმეთა სამინისტრომ პარლამენტთან შეკრებილი აქციის მონაწილეების დაშლა, რომლებიც საკანონმდებლო ორგანოს მიერ ე.წ. აგენტების შესახებ კანონპროექტების პირველი მოსმენით მიღებას აპროტესტებენ, 7 მარტს, საღამოს დაიწყო. მომიტინგეების დასაშლელად უწყებამ არაერთხელ წყლის ჭავლი, წიწაკის სპრეი და ცრემლსადენი გაზი გამოიყენა, თუმცა აღნიშნულის შემდეგ აქციის მონაწილეები კვლავ პარლამენტთან ბრუნდებოდნენ. რუსთაველის გამზირის მომიტინგეებისგან გათავისუფლების სამუშაოებს შსს უკვე რამდენიმე საათია ახორციელებს.