რუსთაველის გამზირს სპეცრაზმი და წყლის ჭავლის მანქანები ტოვებენ - ტერიტორიაზე საავტომობილო მოძრაობა აღდგა
რუსთაველის გამზირზე საავტომობილო მოძრაობა აღდგა.
ტერიტორიას ტოვებენ სამართალდამცველები, სპეცრაზმი და გაჰყავთ წყლის ჭავლის მანქანები.
პარლამენტის მიმდებარე ტერიტორიას ტოვებენ აქციის მონაწილეებიც.
ადგილზე დასუფთავების სამსახურის თანამშრომლები გამოჩდნენ, რომლებიც ტერიტორიას ასუფთავებენ.
მოქალაქეები რუსთაველის გამზირზე 8 მარტს, 15:00 საათიდან შეიკრიბებიან და ე.წ. აგენტების შესახებ კანონპროექტს გააპროტესტებენ.
შეგახსენებთ, რომ შინაგან საქმეთა სამინისტრომ პარლამენტთან შეკრებილი აქციის მონაწილეების დაშლა, რომლებიც საკანონმდებლო ორგანოს მიერ ე.წ. აგენტების შესახებ კანონპროექტების პირველი მოსმენით მიღებას აპროტესტებდნენ, 7 მარტს, საღამოს დაიწყო. მომიტინგეების დასაშლელად უწყებამ არაერთხელ წყლის ჭავლი, წიწაკის სპრეი და ცრემლსადენი გაზი გამოიყენა, თუმცა აღნიშნულის შემდეგ აქციის მონაწილეები კვლავ პარლამენტთან ბრუნდებოდნენ. რუსთაველის გამზირის მომიტინგეებისგან გათავისუფლების სამუშაოებს შსს უკვე რამდენიმე საათის განმავლობაში ცდილობდა.
This is a modal window.
v-if="article.gallery" v-html="article.gallery"
