ჯო ბაიდენმა და ემანუელ მაკრონმა უკრაინის მხარდაჭერის საკითხი განიხილეს
აშშ-სა და საფრანგეთის პრეზიდენტებმა, ჯოზეფ ბაიდენმა და ემანუელ მაკრონმა რუსეთის სასტიკი შეჭრის ფონზე უკრაინის მიმართ მხარდაჭერის საკითხი განიხილეს.
„ორმა ლიდერმა უკრაინის მიმართ მათი მხარდაჭერა განიხილა, მათ შორის ვალდებულება, გააგრძელონ უკრაინის უსაფრთხოების დახმარება და რუსეთს აგრესიისთვის საფასური დაუწესონ“, - აღნიშნულია თეთრი სახლის განცხადებაში.
თეთრ სახლში აცხადებენ, რომ პრეზიდენტმა ბაიდენმა და პრეზიდენტმა მაკრონმა ასევე განიხილეს შეერთებულ შტატებსა და საფრანგეთს შორის თანამშრომლობა ინდო-წყნარი ოკეანის რეგიონში, ისევე როგორც „ერთობლივი ძალისხმევა იმ გამოწვევების გადასალახად, რაც წესებზე დაფუძნებულ საერთაშორისო წესრიგს ჩინეთის სახალხო რესპუბლიკისგან უქმნის“.
