კანადის მთავრობა უკრაინისთვის ასობით მაღალტექნოლოგიური კანადური დრონის მიწოდებაზე მოლაპარაკებებს აწარმოებს, - ინფორმაციას გამოცემა National Post-ი საკუთარ წყაროზე დაყრდნობი ავრცელებს.

მათივე ინფორმაციით, ჯერ კიდევ ივლისში უკრაინის ვიცე-პრემიერმა იულია სვირიდენკომ კანადას Teledyne Flir R70 Skyranger ტიპის 300 ერთეული დრონის მიწოდება სთხოვა.

აღნიშნულ დრონებს შეუძლიათ ქიმიური იარაღის აღმოჩენა, იმის განსაზღვრა, სად არის მოწინააღმდეგის ტელეფონები და ადამიანების იდენტიფიცირებაც კი.

გამოცემა წერს, რომ ამ დრონების გაგზავნა კანადას დაახლოებით 150 მილიონი დოლარი დაუჯდება.