ლევან ხაბეიშვილი - თუ აქამდე ერთი გავრილოვი გვყავდა, ვგულისხმობ კობახიძეს, ახლა უკვე 76 გავრილოვი ზის პარლამენტში - მოვუწოდებ მოქალაქეებს - ჩვენი დასაცავია ევროპული მომავალი!

გუშინ, კიდევ ერთხელ, ნათლად გამოჩნდა, რომ ადამიანების პროტესტი უკავშირდებოდა არა რომელიმე პოლიტიკური პარტიის პროტესტს, არამედ ჩვენი ქვეყნის ევროპულ მომავალს - დაწყებულია რუსული პროპაგანდა - ეს პარტია, ის პარტია, მაგრამ არაფერმა შეგაშინოთ,- ამის შესახებ „ნაციონალური მოძრაობის“ თავმჯდომარე ლევან ხაბეიშვილმა პარტიის ოფისში გამართულ პრესკონფერენციაზე განაცხადა.

ხაბეიშვილმა მოქალაქეებს დღეს დაგეგმილ აქციაზე მისვლისკენ მოუწოდა და აღნიშნა, რომ ეს მოწოდება პარტიული არაა.

„საქართველოს სახელმწიფო ინტერესების მოღალატეებმა გუშინ, სადამსჯელო ოპერაცია მოუწყვეს ქართველ ხალხს - ახალგაზრდებს იმ ადამიანებს, ვისაც საქართველოს ევროპული მომავალი უნდა და არ უნდა, რომ რუსეთის გუბერნია იყოს; ვისაც უნდა თავისუფალ სამყაროსთან ერთად ეზიაროს დემოკრატიას. ამ ადამიანებს ფიზიკურად გაუსწორდა გუშინ „რუსული ოცნება“ და ამას აკეთებდნენ დიდი სიამოვნებით. ამასობაში 100-ზე მეტი ადამიანია დაკავებული - ახალგაზრდები, სტუდენტები, პოლიტიკური პარტიების წევრები, სამოქალაქო აქტივისტები. უამრავი დაშავებული ადამიანია. დაკავებულების ინტერესებს ვიცავთ, ყველას, ვისაც დაცვა სჭირდება, მოგვმართოს - ადვოკატით დაწყებული, სამედიცინო დახმარებით დამთავრებული, ყველას დავეხმარებით.

ჩემო მეგობრებო, გუშინ კიდევ ერთხელ, მკაფიოდ, ნათლად გამოჩნდა, რომ ადამიანების პროტესტი უკავშირდებოდა არა რომელიმე პოლიტიკური პარტიის პროტესტს, არამედ ჩვენი ქვეყნის ევროპულ მომავალს. მხოლოდ ამის გამო იყო ადამიანების დიდი ჯგუფი გამოსული და აპროტესტებდა „რუსული ოცნების“ გადაწყვეტილებას.

ირაკლი კობახიძემ, გავრილოვის ჩამომთრევმა, გუშინ მეორედ მოაწყო „გავრილოვის ღამე“. აქამდე თუ ერთი გავრილოვი გვყავდა, ვგულისხმობ კობახიძეს, ახლა უკვე 76 გავრილოვი ზის საქართველოს პარლამენტში, რომელმაც ხელი მოაწერა პუტინისტურ, რუსულ კანონს. ასევე ნახეთ ჩვენი დასავლელი პარტნიორების მხარდაჭერა მოქალაქეების მიმართ. დღეს მე ვაკეთებ არა პოლიტიკურ, პარტიულ განცხადებას, არამედ, მოვუწოდებ ყველა მოქალაქეს, ისევე როგორ გუშინ - ჩვენი დასაცავია ჩვენი ევროპული მომავალი! ევროპული მომავლისთვის უნდა ვიბრძოლოთ მიუხედავად პოლიტიკური გემოვნებისა. დღეს ვნახეთ, რომ დაწყებულია რუსული პროპაგანდა - ეს პარტია, ის პარტია. არაფერმა შეგაშინოთ. პოლიტიკური პარტიები გამოგვიყენეთ ბრძოლის ინსტრუმენტებად და არა იმისთვის, რომ ვიღაცამ პოლიტიკური ქულები ჩაიწეროს. ეს თქვენი ქვეყანაა- ქართველი ხალხის“,- განაცხადა ლევან ხაბეიშვილმა.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე