ლაშა ბაქრაძე - „ქართული ოცნება“ ღმერთისგან და ქართველი ხალხისგან დაისჯება

ამერიკის ერთ-ერთ დამფუძნებელ მამას, ბენჯამინ ფრანკლინს ეკუთვნის სიტყვები „ტირანიის წინააღმდეგ ბრძოლა არის ღმერთის მორჩილება“, ამიტომ ყველა, ვინც ტირანიის წინააღმდეგ იბრძვის სწორ მხარეს დგას, - ამის შესახებ ისტორიკოსმა, ლაშა ბაქრაძემ აქციაზე განაცხადა.

მისი თქმით, ყველას უნდა დავანახოთ ძალა, ვისაც ჰგონია, რომ ქართველ ხალხს ძალიან ადვილად გატეხს.

„სხვათა შორის ბიბლიაში არის ჩემი ერთი საყვარელი ადგილი, ყველას გახსოვთ დაბადება, თავი 18-ი, სადაც აბრაამი ღმერთს სოდომისა და გომორის გამო ევაჭრება. აბრაამი ეუბნება 50 კაცი რომ იყოს მართალი, გადაარჩენ თუ არა ყველასო? ღმერთი ამბობს, კიო. აბრაამი კვლავ ეკითხება, 50-ი რომ არ იყოს და 45-ი იყოსო? ღმერთი, კარგიო, ეუბნება. მერე 30-მდე ჩამოდიან, მერე 10-ზე შეთანხმდებიან. სამწუხაროდ, „ქართულ ოცნებაში“ არავინ აღმოჩნდა 10 ადამიანი, რომელიც სხვების სულს იხსნიდა. ამიტომ, ჩემი ღრმა რწმენით, „ქართული ოცნება“ ღმერთისგან და ქართველი ხალხისგან დაისჯება. კიდევ ერთი, ირაკლი კობახიძისათვის, საეკლესიო თემით, რომ სპეკულანტობს, ამერიკის ერთ-ერთ დამფუძნებელ მამას, ბენჯამინ ფრანკლინს ეკუთვნის სიტყვები „ტირანიის წინააღმდეგ ბრძოლა არის ღმერთის მორჩილება“, ამიტომ ყველა, ვინც ტირანიის წინააღმდეგ იბრძვის, სწორ მხარეს დგას. თავისუფლება ეს არის ყველაზე დიდი, რაც ღმერთმა ადამიანს მისცა და ამისათვის სიცოცხლის უკანასკნელ წუთამდე ბრძოლა ღირს. დიდება თავისუფალ საქართველოს!

მადლობა აქ რომ მოხვედით, იმიტომ, რომ ჩვენ ყველას უნდა დავანახოთ ძალა, ვისაც ჰგონია, რომ ქართველ ხალხს ძალიან ადვილად გატეხს. ეს ადამიანები ქართველებს არ იცნობენ, ამათ არ იციან, კიდევ უფრო დიდი ბრაზი იქნება და ასე ადვილად არაფერი არ შერჩებათ. გაუმარჯოს თავისუფალ საქართველოს, თავისუფალ ერთა კავშირში!“, - განაცხადა ბაქრაძემ.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე