გიორგი ქადაგიძე - ბევრჯერ წავქცეულვართ, წავბორძიკებულვართ, მაგრამ რუსეთთან ბრძოლა არასდროს შეგვიწყვეტია, ეს ბრძოლა არასდროს დასრულდება, ვიდრე სამშვიდობოზე არ გავალთ და ჩვენი სამშვიდობო არის ევროპა

ბევრჯერ წავქცეულვართ, ბევრჯერ წავბორძიკებულვართ, მაგრამ არასდროს რუსეთთან ბრძოლა არ შეგვიწყვეტია. ეს ბრძოლა არასდროს დასრულდება, სანამ სამშვიდობოზე არ გავალთ , - ასე მიმართა ეროვნული ბანკის ყოფილმა პრეზიდენტმა, გიორგი ქადაგიძემ პარლამენტთან აქციის მონაწილეებს.

როგორც მან აღნიშნა, საქართველოს მომავალი არის ევროპა და ქვეყანა ევროკავშირის წევრი აუცილებლად გახდება.

„ჩვენი სამშვიდობო არის ევროპა, ევროკავშირის წევრობა. პროპაგანდა გვეუბნება, რომ თურმე რუსეთი და ბელარუსი არის მშვიდობა და კეთილდღეობა, გერმანია, ბელგია და შვედეთი არის ომი. პროპაგანდა გვეუბნება, რომ ჩვენ არაფერი გამოგვივა. პროპაგანდა გვეუბნება, რომ კანდიდატის სტატუსი არაფერს ნიშნავს. სინამდვილეში კანდიდატის სტატუსიდან წევრობამდე არის 10 წელი. ჩვენ ვიქნებით თაობა, რომელიც ამ ქვეყანას ევროკავშირში შეიყვანს. დღევანდელი დღე არის ამის დასტური. ამაზე მეტს ვერ გავაკეთებთ ვერავინ ვერასდროს. რუსული ოლიგარქი აუცილებლად დამარცხდება. ძალიან მალე გვეყოლება კოალიციური მთავრობა. ძალიან მალე გვეყოლება თავისუფალი სასამართლო და ერთხელ და სამუდამოდ დავასრულებთ პოლიტიკური პატიმრების ისტორიას ამ ქვეყანაში, გაუმარჯოს ევროპულ საქართველოს! ძირს რუსული ოლიგარქია!“, - განაცხადა ქადაგიძემ.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად