აქციის მონაწილეების ნაწილი სანაპიროდან მსვლელობით რუსთაველის გამზირზე ბრუნდება.

მომიტინგეები მანამდე გმირთა მოედანზე შეჩერდნენ, რის გამოც მცირე ხნით მოძრაობა შეიზღუდა.

აქციის მონაწილეების მიმართ სოლიდარობის ნიშნად, საცხოვრებელი კორპუსებიდან და მანქანებიდან მოქალაქეები ტაშს უკრავენ.

აქციის მონაწილეები სკანდირებდნენ: "საქართველო", "გამოდით", "არა რუსულ კანონს".

რაც შეეხება უშუალოდ რუსთაველის გამზირზე ამ დროისთვის არსებულ ვითარებას, წყლის ჭავლითა და ცრემლსადენი გაზით აქციის მონაწილეების 2-ჯერ დაშლის მიუხედავად, მომიტინგეთა ნაწილი კვლავ პარლამენტთან დაბრუნდა.

სპეცრაზმი, სავარაუდოდ, მომიტინგეების კიდევ ერთხელ დაშლას გეგმავს, ვინაიდან მოქალაქეების მისამართით იყო შესაბამისი გაფრთხილება.

პარლამენტსა და მიმდებარე ქუჩებზე დიდი ოდენობით სპეცრაზმი რჩება.