მომიტინგეების ნაწილს მტკვრის მარჯვენა სანაპირო გადაკეტილი აქვს.

კერძოდ, იუსტიციის სახლის მიმდებარე ტერიტორიაზე, ზვიად გამსახურდიას სანაპიროზე მომიტინგეთა ნაწილი სტვენითა და შეძახილებით საპროტესტო აქციას მართავს.

საპროტესტო აქციის მონაწილეებმა ტერიტორია მანქანებით ჩახერგეს. აქციის მონაწილეები გზაზე მხოლოდ სასწრაფო-გადაუდებელი დახმარების მანქანებს ატარებენ. მომიტინგეები, ბარიკადების სახით, ნაგვის ურნებსაც იყენებენ.

როგორც პროტესტის მონაწილეები აცხადებენ, დაშლას არ აპირებენ.

ადგილზე ამ დროისთვის არ იმყოფებიან სამართალდამცველები.