რუსთაველის გამზირზე აქციის მონაწილეებმა ავტომობილი გადაატრიალეს. დემონსტრანტებმა მანქანას ცეცხლი წაუკიდეს.

მოგვიანებით, ცეცხლი წყლის ჭავლით სამართალდამცველებმა ჩააქრეს, თუმცა ავტომობილი კვლავ აალდა და თითქმის მთლიანად დაიწვა.

პარალელურად, აქციის მონაწილეები კვლავ ცდილობენ ნაგვის ურნებით და სხვადასხვა ნივთებით ტერიტორიაზე ბარიკადების მოწყობას.

როგორც ცნობილია, ქაშუეთის ტაძრის მიმდებარე ტერიტორიაზე სამართალდამცველები არიან განლაგებული, ხოლო მომიტინგეები სასტუმრო “თბილისი მერიოტის” მიმდებარედ იმყოფებიან.

მანამდე ტერიტორიაზე დაძაბული ვითარება იყო. სპეცრაზმმა აქციის მონაწილეების წინააღმდეგ წყლის ჭავლი კიდევ ერთხელ გამოიყენა. ისმოდა პოლიციელთა მხრიდან ხმოვანი სიგნალებით გაფრთხილებები დაშლის თაობაზე, რასაც მომიტინგეები არ დაემორჩილნენ და კვლავ ტერიტორიაზე რჩებიან.