სპეცრაზმი რუსთაველის გამზირზე აქციის მონაწილეების წინააღმდეგ კვლავ წყლის ჭავლს იყენებს.

პოლიცია ცდილობს მიმიტინგეებისგან ტერიტორია გაწმინდოს. საქართველოს პარლამენტის შენობიდან რესპუბლიკის მოედანამდე საატომობილო გზა თითქმის მთლიანად დაკავებული აქვთ სამართალდამცველებს. აქციის მონაწილეებმა კი თითქმის მეტრო "რუსთაველამდე" გადაინაცვლეს.

სპეცრაზმმა გაარღვია და აიღო ბარიკადებიც, რომელიც მანამდე პროტესტის მონაწილეებმა აღმართეს სხვადსხვა ნივთის, მათ შორის საზოგადოებრივი სკამებისა და ნაგვის ურნების გამოყენებით.

პარალელურად მიმდინარეობს დაკავებები და ისმის ხმოვანი სიგნალი, მოწოდება დაშლის შესახებ.

აქციის მონაწილეები თავის დაცვის მიზნით, მიმდებარედ არსებული ქუჩებისკენ მიემართებიან.