მომიტინგეების ნაწილი ამ დროისთვის მეტრო "რუსთაველთან" იმყოფება - დემონსტრანტებმა ნაგვის ურნებისგან ბარიკადები აღმართეს

მომიტინგეების ნაწილი ამ დროისთვის მეტრო "რუსთაველთან" იმყოფება - დემონსტრანტებმა ადგილზე ნაგვის ურნებისგან ბარიკადები აღმართეს. ადგილზე იწვის ნაგვის ურნები და სხვადასხვა ნივთი.

აქციის მონაწილეების ნაწილი კი კოსტავას ქუჩაზე გადავიდა.

პარალელურად, მიმდინარეობს მოქალაქეების დაკავება.

რუსთაველის გამზირზე, პარლამენტის მიმდებარე ტერიტორია კი თითქმის მთლიანად სამართალდამცველებს აქვთ დაკავებული.

სპეცრაზმმა რუსთაველის გამზირის მონაკვეთი, რომელსაც ბოლო რამდენიმე საათის მანძილზე, აქციის მონაწილეები იკავებდნენ, წყლის ჭავლის გამოყენებით გაათავისუფლა.

შეგახსენებთ, თბილისში მოქალაქეები აპროტესტებენ ე.წ. უცხოური აგენტების შესახებ კანონპროექტს, რომელსაც პარლამენტმა პირველი მოსმენით 7 მარტს დაუჭირა მხარი. დღეს რუსთაველის გამზირზე მიმდინარე აქციაზე ვითარება მას შემდეგ დაიძაბა, რაც „სტრატეგია აღმაშენებლის“ ლიდერმა გიორგი ვაშაძემ გაახმოვანა გადაწყვეტილება პარლამენტის შენობის ალყაში მოქცევის შესახებ. სპეცრაზმმა ცრემლსადენი გაზი და წყლის ჭავლი მომიტინგეების წინააღმდეგ, 7 მარტის მსგავსად, დღესაც არაერთხელ გამოიყენა.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?