ისრაელის დედაქალაქ იერუსალიმის აეროპორტში სასამართლო რეფორმის მოწინააღმდეგეებმა საპროტესტო აქცია გამართეს.

ადგილობრივი მედიის ინფორმაციით, აქცია მას შემდეგ დაიგეგმა, რაც ცნობილი გახდა, რომ ქვეყნის პრემიერ-მინისტრი ბენიამინ ნეთანიაჰუ საზღვარგარეთ ოფიციალური ვიზიტის შემდეგ იერუსალიმის ბენ გურიონის აეროპორტში დღეს ჩამოფრინდებოდა.

დემონსტრაციაში მონაწილეობა ასობით ადამიანმა მიიღო.

21 თებერვალს ისრაელის პარლამენტმა სასამართლო რეფორმის პროექტი პირველი მოსმენით დაამტკიცა. საკანონმდებლო ცვლილებები მოსამართლეების შერჩევის პროცესში ხელისუფლების უფლებამოსილების გაზრდასა და უზენაესი სასამართლოს მოსამართლეების უფლებების შემცირებას ითვალისწინებს.