ევროკომისარი სამეზობლო პოლიტიკისა და გაფართოების საკითხებში, ოლივერ ვარჰეი მიესალმება საქართველოს ხელისუფლებას გადაწყვეტილებას ე.წ. „უცხოელი აგენტების“ შესახებ კანონპროექტის გაწვევასთან დაკავშირებით და აცხადებს, რომ საქართველოს ევროკავშირის მხარდაჭერის იმედი უნდა ჰქონდეს.

„მივესალმები მმართველი პარტიის გადაწყვეტილებას არასამთავრობო ორგანიზაციებთან დაკავშირებული სადავო კანონის გაწვევის შესახებ. საქართველოს კვლავ შეუძლია, ევროკავშირის გზაზე ჩვენი მხარდაჭერის იმედი ჰქონდეს“, - წერს ოლივერ ვარჰეი „ტვიტერზე“.