ირაკლი კობახიძე - არაფრის ფასად არ გვიღირდა თუნდაც ერთი ადამიანის ჯანმრთელობის ან სიცოცხლის რისკის ქვეშ დაყენება, ამ ყველაფრის გათვალისწინებით მივიღეთ გადაწყვეტილება

პარტია „ქართული ოცნების" თავმჯდომარემ, ირაკლი კობახიძემ განმარტა ე.წ. აგენტების შესახებ კანონპროექტების გაწვევის გადაწყვეტილების მიზეზი და განაცხადა, რომ ხელისუფლებას თუნდაც ერთი ადამიანის ჯანმრთელობის ან სიცოცხლის რისკის ქვეშ დაყენება „არაფრის ფასად არ უღირდა“.

„გუშინ და გუშინ წინ ძალადობრივი ფაქტები იყო, იყო რისკები, თუმცა ეს რისკები შეიძლება გაზრდილიყო. არაფრის ფასად არ გვიღირდა თუნდაც ერთი ადამიანის ჯანმრთელობის ან სიცოცხლის რისკის ქვეშ დაყენება. იყო კონკრეტული მოლოდინები რისკებთან დაკავშირებით და ამ ყველაფრის გათვალისწინებით მივიღეთ გადაწყვეტილება“, - განაცხადა კობახიძემ.

გარდა ამისა, კობახიძემ უპასუხა კითხვას სოციალურ ქსელში გავრცელებულ ვიდეო-ჩანაწერზე, სადაც გედევან ფოფხაძე, აკია ბარბაქაძე და სერგი კაპანაძე სავარაუდოდ, პარლამენტში შესვლის გეგმაზე საუბრობენ. კობახიძის თქმით, კიდევ ერთხელ გამჟღავნდა, რა იყო გეგმა.

„კიდევ ერთხელ გამჟღავნდა, რა იყო გეგმა, მიზანი, რა იგეგმებოდა ბაკურიანში შეხვედრაზე. სწორედ ამის განხორციელების მცდელობა იყო გუშინ და გუშინ წინ. ამას ვერასდროს განახორციელებენ. მაგრამ მათ აქვთ რესურსი, რომ რისკის ქვეშ დააყენონ ადამიანების ჯანმრთელობა და სიცოცხლე. მათი ბუნება ეს არის - მათ შეუძლიათ ძალიან მარტივად გაწირონ ნებისმიერი ადამიანის ჯანმრთელობა, სიცოცხლე. არაფერს მოერიდებიან, ასეთები იყვნენ მაშინ, როდესაც ხელისუფლებაში იყვნენ (ვგულისხმობ „ნაციონალურ მოძრაობას“), დღესაც ესაა მათი ბუნება, მათ შეუძლიათ ნებისმიერი ნაბიჯის გადადგმა, რაც საფრთხეს შეუქმნის ადამიანებს. ახალგაზრდები გაწირეს იმ ძალადობრივი ქმედებებისთვის, რომელიც მთელი საზოგადოებისთვის მიუღებელია. ეს არის მათი ბუნება. ჩვენ აბსოლუტურად განსხვავებულები ვართ, რაც გამოჩნდა გუშინ და გუშინ წინ, როდესაც ჰუმანურობა კიდევ ერთხელ აჩვენეს სახელმწიფომ და სამართალდამცველმა სტრუქტურებმა. მათ მადლობას ვუხდი მოთმინებისთვის და პროპორციულობის პრინციპის შესაბამისად მოქმედებისთვის“,- განაცხადა ირაკლი კობახიძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024