რუსთაველის გამზირზე აქციის მონაწილეებს შორის სიტყვიერი დაპირისპირება იყო.

აქციის ერთ-ერთი მონაწილე იმ მოქალაქეთა ჯგუფს დაუპირისპირდა, რომელთაც ყოფილი პრეზიდენტის, მიხეილ სააკაშვილის მხარდამჭერი ბანერები უჭირავთ და სკანდირებენ "თავისუფლება მიშას".

მისი განცხადებით, ეს აქცია მიხეილ სააკაშვილის მხარდამჭერი არ არის.

რუსთაველის გამზირზე საპროტესტო აქცია იმართება. მონაწილეები 7-8 მარტს დაკავებული მოქალაქეების გათავისუფლებას მოითხოვენ.

პარლამენტის წინ მოწყობილია სცენა.

ადგილზე მობილიზებულია პოლიცია.

ცნობისთვის, საქართველოს შინაგან საქმეთა სამინისტროს ინფორმაციით, 7-8 მარტს რუსთაველის გამზირზე გამართული საპროტესტო აქციების დროს პოლიციამ ჯამში, 133 პირი დააკავა.