პარლამენტთან მიმდინარე აქციის ერთ-ერთი ორგანიზატორი - ეს არის გრძელვადიანი ბრძოლა, ჩვენ პერიოდულად შევიკრიბებით, თუმცა პერმანენტული აქციები ჩვენი მხრიდან არ იგეგმება

აქციის ერთ-ერთი ორგანიზატორის, ორგანიზაცია „მწვანეების“ ლიდერის, თამარ ჯაყელის განცხადებით, ისინი მთავრობას არ ენდობიან და მათი განწყობა არის „ფრთხილი ოპტიმიზმი“.

მისი თქმით, ამ პროექტების ჩაგდების შემდეგ მათი მთავარი მოთხოვნა ევროკავშირის მიერ დადგენილი 12 რეკომენდაციის შესრულება იქნება.

„ამ აქციებს ერთი ორგანიზატორი არ ჰყავს, აქ გაერთიანებულია სხვადასხვა ჯგუფები. ჩვენი მთავარი სატკივარი საქართველოს რუსეთის გზაზე დაყენებაა, ხოლო მთავარი სურვილია საქართველოს გაწევრიანება ევროკავშირში, კანდიდატის სტატუსის მიღება. ამისთვის საჭიროა 12 პუნქტის შესრულება. მთავრობას ჩვენ ბოლომდე არასდროს ვენდობით, ამ წუთას ჩვენი განწყობა არის ფრთხილი ოპტიმიზმი და აქ ვართ იმისთვის, რომ ბოლომდე დაველოდოთ და ეს გამარჯვება გავაფორმოთ. ეს არის თვითორგანიზებული აქცია, სადაც მოქალაქეები თავიანთი წუხილის და ბრაზის გამო იკრიბებიან. ჩვენ გვაქვს გრძელვადიანი გეგმა, რომ მოვითხოვოთ და ვიმუშაოთ 12 პუნქტის შესრულებაზე. ეს არის გრძელვადიანი ბრძოლა, ჩვენ რაღაც პერიოდულობით შევიკრიბებით აქციის სახით, თუმცა პერმანენტული აქციები ჩვენი მხრიდან არ იგეგმება, მაგრამ შეიძლება ხალხის მხრიდან გაგრძელდეს”, - განაცხადა თამარ ჯაყელმა.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი