საქართველოს პარლამენტის შენობის უკანა შესასვლელთან აქცია მიმდინარეობს. აქციის მონაწილეები გასული დღეების განმავლობაში, აქციაზე დაკავებული ყველა პირის გათავისუფლებას ითხოვენ და სკანდირებენ: „გამოუშვით!“ „გამოუშვით!“

როგორც ისინი განმარტავენ, აქციის მონაწილე ერთი პირი კვლავ, პატიმრობაში რჩება.

ამასთან, აქციის ორგანიზატორებმა მოქალაქეებს მადლობა გადაუხადეს შეუპოვარი ბრძოლისთვის. ასევე, აღნიშნეს, რომ “ქართულ ოცნებას" არცერთი რუსული ნაბიჯი არ შერჩება".

ცნობისთვის, საკანონმდებლო ორგანოსთან შეკრებილი მოქალაქეები „უცხოელი აგენტების რეგისტრაციის შესახებ“ კანონპროექტის პარლამენტიდან გაწვევას შეძახილებით შეხვდნენ.