გურამ მაჭარაშვილი - ამ კანონპროექტმა მინიმუმ 60-70%-ით თავისი საქმე გააკეთა და არასამთავრობო სექტორის ლუსტრაცია მოახდინა - საზოგადოებამ დაინახა, ვის „ეტკინა“ ეს კანონპროექტი - „ეტკინათ“ მათ, ვინც რადიკალურ პროცესებს აფინანსებდა

ამ კანონპროექტმა მინიმუმ 60-70%-ით თავისი საქმე გააკეთა და არასამთავრობო სექტორის ლუსტრაცია მოახდინა - ხომ ამბობდნენ, გამჭვირვალე ვართ და გვიდევს ინფორმაციაო, ახლა კანონპროექტი აღარაა და გამოაქვეყნონ, რომ საზოგადოებამ იცოდეს, ვინ საიდან ფინანსდება,- ამის შესახებ „ხალხის ძალის“ დეპუტატმა გურამ მაჭარაშვილმა ჟურნალისტებს განუცხადა.

მისი თქმით, საპარლამენტო უმრავლესობამ ე.წ. აგენტების შესახებ კანონპროექტის გაწვევის გადაწყვეტილება იმიტომ მიიღო, რომ ახალგაზრდების რადიკალურ პროცესებში ჩართვის რისკი არსებობდა.

„დავინახეთ, რომ რევოლუციური სცენარები იყო პირდაპირ ეთერში, რაც შემდეგ მერაბიშვილისგან და ხაბეიშვილისგანაც დადასტურდა. მაღალი რისკი იყო, რომ ახალგაზრდები, ვინც ამ რადიკალურ პროცესებში მონაწილეობას არ იღებდნენ, ჩაერთოთ ამ პროცესში. აქედან გამომდინარე მივიღეთ კანონპროექტის გამოწვევის გადაწყვეტილება. ამასთან, კანონპროექტმა თავისი მიზნის დიდი წილი უკვე შეასრულა. საზოგადოებამ დაინახა, ვის „ეტკინა“ ეს კანონპროექტი - „ეტკინათ“ მათ, ვინც რადიკალურ პროცესებს აფინანსებდა“, - განაცხადა გურამ მაჭარაშვილმა.

რაც შეეხება იმას, რომ არასამთავრობო ორგანიზაციები ღია მმართველობის მუდმივმოქმედი საპარლამენტო საბჭოს საკონსულტაციო ჯგუფის წევრობას აჩერებენ, მაჭარაშვილი ამბობს, რომ ორგანიზაციასთან, რომლებიც რევოლუციურ სცენარებს არ ემიჯნება, თანამშრომლობას აზრი არ აქვს.

„ნებისმიერ არასამთავრობო ორგანიზაციასთან, რომელიც შტურმს, რევოლუციურ სცენარებს და ძალადობას არ გაემიჯნება, თანამშრომლობას აზრი არ აქვს. საქართველოში საზოგადოებამ შტურმი დაინახა და თუ ამას არასამთავრობო სექტორი არ ემიჯნება, ეს მათი პრობლემაა და აქ არავითარი ევროპული სტანდარტი არ არსებობს“, - განაცხადა გურამ მაჭარაშვილმა.

მისი თქმით, საქართველოს პარტნიორების მხრიდან არ უნდა მოხდეს ისეთი არასამთავრობო ორგანიზაციების დაფინანსება, რომლებიც პოლარიზაციას უწყობენ ხელს.

„როდესაც ჩვენი პარტნიორები ამბობენ, რომ დეპოლარიზაცია უნდა მოხდეს, ჩვენი პარტნიორების და მათი ორგანიზაციების მხრიდან არ უნდა მოხდეს ისეთი არასამთავრობო ორგანიზაციების დაფინანსება, რომლებიც ხელს უწყობენ პოლარიზაციას. როდესაც, ერთი მხრივ, ამბობ, რომ დეპოლარიზაცია უნდა მოხდეს და მეორე მხრივ აფინანსებ ისეთ არასამთავრობო სექტორს, რომელიც დეპოლარიზაციას უწყობს ხელს, ეს ორმაგი სტანდარტია“,- განაცხადა გურამ მაჭარაშვილმა.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?