ბახმუტის მიმართულებით, ერთ კვირაზე ნაკლებ დროში, რუსებმა 1 100-ზე მეტი ჯარისკაცი დაკარგეს, - ამის შესახებ უკრაინის პრეზიდენტმა, ვოლოდიმირ ზელენსკიმ ტრადიუცილ ვიდეომიმართვაში განაცხადა.

მისი თქმით, აღნიშნული მიმართულებით, 6 მარტიდან 1 500 რუსი ჯარისკაცი დაიჭრა, 10-ზე მეტი საბრძოლო მასალის საცავი კი დაიწვა.

„ერთ კვირაზე ნაკლებ დროში - 6 მარტიდან - მხოლოდ ბახმუტის მიმართულებით, განადგურდა 1100-ზე მეტი მტრის ჯარისკაცი. გარდა ამისა, მტრის მინიმუმ 1500 ჯარისკაცი დაიჭრა ისე, რომ ბრძოლის გაგრძელება არ შეუძლიათ. გარდა ამისა, განადგურდა მტრის ათობით მანქანა, დაიწვა ათზე მეტი რუსული საბრძოლო მასალის საცავი“, - აღნიშნა ზელენსკიმ.

შეგახსენებთ, მოსკოვი უკრაინის აღმოსავლეთ ნაწილში მდებარე ქალაქის აღებას თვეების განმავლობაში ცდილობს.