დოკუმენტურ ფილმს „ნავალნი“ ოსკარი გადაეცა
კრემლის კრიტიკოსის, ალექსეი ნავალნის შესახებ გადაღებულ CNN-ის დოკუმენტურ ფილმს "ნავალნი" ამერიკის კინოაკადემიის ჯილდო „ოსკარი“ გადაეცა.
ფილმში, რომლის რეჟისორი კანადელი რეჟისორი დენიელ როჰერია, საუბარია რუსი ოპოზიციონერი პოლიტიკოსის, ალექსეი ნავალნის პოლიტიკურ აღზევებაზე, მოწამვლის გზით მისი მკვლელობის მცდელობაზე და პატიმრობაზე.
„ნავალნის" პრემიერა „სანდენსის“ კინოფესტივალზე 2022 წლის იანვარში შედგა. თებერვალში პროექტმა მოიპოვა BAFTA-ს ჯილდო საუკეთესო დოკუმენტური ფილმისთვის.
