მიხეილ სარჯველაძე - არასაჭირო აგრესიას მიმართავდნენ პოლიციელების წინააღმდეგ, როგორ შეიძლება ეს იყოს ნორმალურად შეფასებული?! - ვის რა წვლილი აქვს, გაირკვევა და რეაგირების გარეშე ვერ დარჩება

არასაჭირო აგრესიას მიმართავდნენ პოლიციელების წინააღმდეგ, როგორ შეიძლება ეს იყოს ნორმალურად შეფასებული?! - ვის რა წვლილი აქვს, გაირკვევა და რეაგირების გარეშე ვერც ერთ შემთხვევაში ვერ დარჩება, - ამის შესახებ ადამიანის უფლებათა კომიტეტის თავმჯდომარე მიხეილ სარჯველაძემ განაცხადა.

სარჯველაძე გამოეხმაურა პრემიერ-მინისტრის განცხადებას და აღნიშნა, რომ ახალგაზრდების ერთი ჯგუფი ცდილობდა, აქცია სამართლებრივ ფარგლებს გასცდენოდა. კითხვაზე, რელევანტურია თუ არა შეფასება, რომ იქ სატანისტები იდგნენ, სარჯველაძე აცხადებს, რომ მან "ცოტა სხვანაირად თქვა".

„(სატანისტების) ფორმებში ვიხილეთო - ცოტა სხვანაირად თქვა. პრემიერმა გააკეთა განმარტებები, თუ როგორ იქცეოდნენ, სხვათა შორის რადიკალურად განსხვავებული იყო ცალკეული ჯგუფების ქმედება იმავე აქციაზე. იყო ერთი ჯგუფი ახალგაზრდებისა, რომლებიც რადიკალურად იქცეოდნენ და ყველაფერს ცდილობდნენ, რომ მოვლენები გასცდენოდა სამართლებრივ ფარგლებს, კონსტიტუციით ნებადართულ ფარგლებს, ყველაფერს აკეთებდნენ საიმისოდ და აბსოლუტურად არასაჭირო აგრესიას მიმართავდნენ ხელისუფლების წარმომადგენელი პოლიციელების წინააღმდეგ, თავდასხმებს ახორციელებდნენ, "მოლოტოვის კოქტეილებს" იყენებდნენ, ასეთ დროს ასეთ ქმედებებს ვინც მიმართავს, როგორ შეიძლება ის იყოს ნორმალურად შეფასებული?! ბუნებრივია, ამას სჭირდება სამართლებრივი რეაგირება, სამართლებრივი შეფასება. ეს არც ერთ შემთხვევაში არ უნდა იყოს შეწყნარებული, არც ერთი სახელმწიფოს და არც ერთი საზოგადოების მხრიდან. ეს არის ქმედებები, რომელიც საზოგადოების მშვიდობიან განვითარებას ძირს უთხრის, ამიტომ კონკრეტული ჯგუფი, ვის რა წვლილი აქვს, ვინ მოქმედებდა კეთილსინდისიერად, ვინ არაკეთილსინდისიერად, ეს ბუნებრივია გაირკვევა და შეფასების და რეაგირების გარეშე ვერც ერთ შემთხვევაში ვერ დარჩება,"- განაცხადა სარჯველაძემ.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
„საქკაბელმა“ ენერგეტიკულ გამოფენაზე ახალი პროდუქცია წარადგინა
მედიაჰოლდინგ „ჯორჯიან თაიმსის” ბიზნეს რეიტინგის XXIII დაჯილდოების ცერემონიაზე PSP-მ 3 ჯილდო მიიღო
GM PHARMA-ს მორიგი აღიარება და საერთაშორისო PIC/S GMP სერტიფიკატი