"მშენებლობა განვადებით“ პროგრამის ფარგლებში, ყაზბეგის მუნიციპალიტეტში დაბა გუდაურის ალტერნატიული წყალმომარაგებისთვის სამშენებლო სამუშაოები იწყება

საქართველოს პრემიერ-მინისტრის ინიციატივით დაწყებული სახელმწიფო პროგრამის “მშენებლობა განვადებით“ ფარგლებში, რეგიონული განვითარებისა და ინფრასტრუქტურის სამინისტროს გაერთიანებული წყალმომარაგების კომპანია, ყაზბეგის მუნიციპალიტეტში დაბა გუდაურისთვის სათავე ნაგებობის, სატუმბი სადგურისა და მაგისტრალური მილის მოწყობის სამშენებლო სამუშაოებს იწყებს. ინფორმაციას გაერთიანებული წყალმომარაგების კომპანია ავრცელებს.

მათივე ცნობით, შესაბამის ხელშეკრულებას ხელი წყალმომარაგების კომპანიის დირექტორის მოადგილემ, ნინო ნაროზაშვილმა და ტენდერში გამარჯვებული კომპანია შპს „ელ ჯორჯიას" დირექტორმა, დიმიტრი კუპატაძემ მოაწერეს.

„პროექტით გათვალისწინებულ სამუშაოებს სახელმწიფო ბიუჯეტიდან 22 მლნ ლარზე მეტი მოხმარდება. სამშენებლო სამუშაოების დასრულება 2025 წლის ზამთრის სეზონზეა დაგეგმილი, რის შემდეგაც კურორტზე მოსახლეობისა და დამსვენებლთა მზარდი რაოდენობისთვის ალტერნატიული წყალმომარაგების რესურსი შეიქმნება, რაც დაბა გუდაურისთვის უწყვეტ რეჟიმში ხარისხიანი წყლის მიწოდებას სრულად უზრუნველყოფს,“ - აღნიშნულია ინფორმაციაში.

ვახტანგ ძაბირაძე - ემოციური ზაფხული და არანაკლებ სახიფათო შემოდგომა გველის
ქართული პრესის მიმოხილვა 20.05.2024
ოლეგ ჟდანოვი -  პუტინმა  შეცვალა  უკრაინაში  ომის  პარადიგმა, მას კარგად ესმის, რომ რუსული არმია ნებისმიერ დროს შეიძლება ჩამოიშალოს
მდგომარეობა კრიპტოვალუტის ბაზრებზე - მაღალი სიხშირის მერყეობა და სხვა პარამეტრები
Technovation Girls SAKARTVELO 2024-ის გამარჯვებულები
მასშტაბური ცვლილება ფინანსური ანგარიშგების წარდგენის სტანდარტში: ფასს 18 (IFRS 18)