ლევან დავითაშვილი - ძალიან მკაფიო გეგმა გაგვაჩნია ანაკლიის განვითარებასთან დაკავშირებით და მის შესრულებას გეგმაზომიერად მივყვებით

ძალიან მკაფიო გეგმა გაგვაჩნია ანაკლიის განვითარებასთან დაკავშირებით და მის შესრულებას გეგმაზომიერად მივყვებით, - ამის შესახებ ვიცე-პრემიერმა, საქართველოს ეკონომიკისა და მდგრადი განვითარების მინისტრმა, ლევან დავითაშვილმა მთავრობის სხდომის დასრულების შემდეგ ბრიფინგზე განაცხადა.

როგორც მან აღნიშნა, სახელმწიფო ანაკლიის პორტის განვითარებისთვის აქტიურად მუშაობს.

„სახელმწიფო აქტიურად მოახდენს პორტის განვითარებას. შესაბამისად, ჩვენ 2022 წელი დავუთმეთ მოსამზადებელ სამუშაოებს ბევრი მიმართულებით, მათ შორის პოტენციურ ინვესტორებთან შეხვედრის კუთხით, შევაფასეთ უფრო მეტად პოტენციალი, განვაახლეთ კვლევები, განვაახლეთ საკონსულტაციო მომსახურების შედეგად მიღებული პროდუქტები. ეს პროცესი გასული წლის სექტემბერში ძალიან აქტიურად დაიწყო. როგორც საზოგადოებას შევპირდით, უკვე მიმდინარე წელს კერძო და საჯარო თანამშრომლობის კანონმდებლობის შესაბამისად, უკვე დავიწყეთ კერძო პარტნიორის შერჩევის პროცესი. ეს პროცესი პორტის განვითარების პარალელურად მიმდინარეობს. დღეისთვის უკვე საერთაშორისო ინტერესთა გამოხატვა არის გამოცხადებული. ამ პროცესში ბევრი კომპანია მსოფლიოს სხვადასხვა ქვეყნიდან აქტიურად მონაწილეობს. ესენი არიან ძირითადად საპორტო ოპერატორები, მშენებელი ან კონსორციუმის კუთხით კომპანიები, რომლებიც ჩვენს სააგენტოსთან ცვლიან ინფორმაციას. იცით, რომ რამდენიმე ეტაპია. პირველი ეტაპი 2 თვის განმავლობაში უნდა დასრულდეს. დაახლოებით ერთ თვეში ჩვენ პირველადი ინფორმაცია გვექნება. შემდგომ უკვე უნდა გადავიდეთ ე.წ. წინადადებების მოთხოვნის ეტაპზე, როდესაც უნდა დავაზუსტოთ პარამეტრები და პირობები, რომელიც ინტერესთა გამოხატვის ეტაპზე ფიქსირდება პოტენციური ინვესტორებისა და პარტნიორების მხრიდან. იმედი გვაქვს, რომ წლის განმავლობაში ასეთ პარტნიორს შევარჩევთ. პარალელურად, იცით, რომ ის ტერიტორიები, სადაც პორტის განვითარება უნდა მოხდეს, ქონების მართვის ეროვნულ სააგენტოს ეკუთვნის. ქონების მართვის ეროვნული სააგენტო მიმდინარე კვირაში დააფუძნებს სახელმწიფო კომპანიას, რომელიც არსებული დოკუმენტების განახლებას დაიწყებს. ეს იქნება გარემოზე ზემოქმედების არსებული დოკუმენტაცია, არსებული ტექნიკური დოკუმენტაცია იმისთვის, რომ ჩვენ შევძლოთ მიმდინარე წელს მნიშვნელოვანი სამშენებლო სამუშაოების დაწყება და მობილიზება, რომ დრო არ დაიკარგოს. შემდგომში ეს ყველაფერი იქნება იმ ერთობლივი კომპანიის ნაწილი, სადაც ჩვენ კერძო პარტნიორს შევარჩევთ. ძალიან მკაფიო გეგმა გაგვაჩნია ანაკლიის განვითარებასთან დაკავშირებით და ამ გეგმის შესრულებას გეგმაზომიერად მივყვებით“, - განაცხადა დავითაშვილმა.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
მირიან მირიანაშვილი - ხელისუფლების პოლიტიკურ ელიტას პოლიტიკური კომპასი აერია და შეუქცევადად მცდარი დასკვნების სამყაროში შევიდა
ქართული პრესის მიმოხილვა 10.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ტურბომიკრონ G - დაივიწყეთ ვენური პრობლემები
თბილისში „ბარამბოს“ სანაყინე ჯიხურები გაიხსნა
გაიაქტიურე სილქნეტის 90-დღიანი პაკეტები მთელი ზაფხულისთვის
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი