დღეს საქართველოში დაწვეს ევროკავშირის დროშა, ეს არის ძალიან სამწუხარო საქართველოს ყველა მეგობრისთვის, მაგრამ მე მჯერა, რომ საქართველოს მოსახლეობა შეებრძოლება ტოტალიტარიზმს და ავტორიტარიზმს , - ამის შესახებ ევროპარლამენტარმა პეტრას აუსტევიჩუსმა ევროპარლამენტში საქართველოს საკითხზე სიტყვით გამოსვლის დროს განაცხადა.

ევროპარლამენტარმა სიტყვით გამოსვლისას ე.წ. აგენტების შესახებ კანონის საწინააღმდეგო აქციებზეც გაამახვილა ყურადღება და აღნიშნა, რომ იგი აღფრთოვანებულია საქართველოს სამოქალაქო საზოგადოებითა და მოსახლეობით.

„მინდა დავიწყო იმით, რომ მივულოცო საქართველოს მოსახლეობას ის, რომ დაიჭირეს ძალიან მყარი პოზიცია რუსული კანონის წინააღმდეგ და მინდ გამოვთქვა სამოქალაქო საზოგადოებითა და საქართველოს მოსახლეობით ჩემი აღფრთოვანება და კიდევ ერთხელ მინდა გავუსვა ხაზი, რომ საქართველოს მთავრობამ უნდა შეასრულოს 12 რეკომენდაცია და ასევე უნდა შეასრულოს ევროკავშირის მოთხოვნები ყოფილი პრეზიდენტის მიმართ, რომელიც იყო მოწამლული და დაპატიმრებულია საქართველოში“, - განაცხადა პეტრას აუსტევიჩუსმა, რომლის თარგმანიც „მთავარ არხს“ ეკუთვნის.