“რამშტაინის“ ფორმატში მორიგი შეხვედრა 15 მარტს გაიმართება, - ამის შესახებ უკრაინის თავდაცვის მინისტრი, ოლექსი რეზნიკოვი “ფეისბუქზე“ წერს.

მინისტრის თქმით, გუშინ ის, ნიდერლანდების თავდაცვის მინისტრ კაისა ოლონგრენთან ერთად, მიკოლაივისა და ოდესის ოლქებს ეწვია, სადაც “რამშტაინის“ ფორმატის შეხვედრისთვის მოსამზადებლად მნიშვნელოვანი საკითხები განიხილეს.

ერთი დღით ადრე კი რეზნიკოვი შეხვედრასთან დაკავშირებულ საკითხებზე პენტაგონის ხელმძღვანელს, ლოიდ ოსტინს ტელეფონით ესაუბრა.

უკრაინის თავდაცვის მინისტრმა თებერვალში განაცხადა, რომ „რამშტეინის“ შემდეგი შეხვედრა, სავარაუდოდ, ონლაინ ფორმატში გაიმართება.

შეგახსენებთ, უკრაინის თავდაცვის საკონტაქტო ჯგუფის (ე. წ. „რამშტაინის“ ფორმატი) შეხვედრების მიზანი უკრაინის თავდაცვისუნარიანობის გაძლიერებაა.