სირიის პრეზიდენტი ბაშარ ალ-ასადი მოსკოვში იმყოფება. მედიის ცნობით, ის რუსეთის დედაქალაქში სამშაბათს ჩავიდა.

ვიზიტის ფარგლებში, სირიის მინისტრთა დელეგაციასთან ერთად, ასადი მოლაპარაკებებს გამართავს რუსეთის პრეზიდენტთან, ვლადიმერ პუტინთან.

კრემლის განცხადებით, სირიისა და რუსეთის პირველი პირები განიხილავენ თანამშრომლობას პოლიტიკურ, სავაჭრო და ჰუმანიტარულ სფეროებში, ისევე როგორც სირიასა და მის გარშემო არსებული ვითარების გადაწყვეტის პერსპექტივებს.