დიდი ბრიტანეთი რუსეთს მოუწოდებს „პატივი სცეს“ საერთაშორისო საჰაერო სივრცეს. ეს განცხადება გაერთიანებული სამეფოს თავდაცვის მინისტრმა ამერიკული დრონის რუსულ გამანადგურებელთან შეჯახების შემდეგ გააკეთა.

„აქ მთავარი ის არის, რომ ყველა მხარე პატივს სცემს საერთაშორისო საჰაერო სივრცეს და ჩვენ მოვუწოდებთ რუსებს ამის გაკეთებისკენ“, - განაცხადა ბენ უოლასმა.

შეგახსენებთ, შავი ზღვის საჰაერო სივრცეში რუსული საბრძოლო თვითმფრინავი ამერიკულ დრონს დაეჯახა. ევროპასა და აფრიკაში აშშ-ის საჰაერო ძალების ხელმძღვანელმა, გენერალმა ჯეიმს ჰეკერმა განაცხადა, რომ ეს ინციდენტი უსაფრთხოებისა და არაპროფესიონალიზმის გარდა კომპეტენციის ნაკლებობას დემონსტრირებს.