საქართველოს მთავრობის ადმინისტრაციაში, რელიგიის საკითხთა სახელმწიფო სააგენტოსთან არსებული რელიგიურ გაერთიანებათა ქონებრივი და ფინანსური საკითხების შემსწავლელი სარეკომენდაციო კომისიის 2023 წლის პირველი სხდომა გაიმართა.

ინფორმაციას რელიგიის საკითხთა სახელმწიფო სააგენტო ავრცელებს.

მათივე ცნობით, კომისიამ საქართველოს მართლმადიდებელი ეკლესიის, მუსლიმთა სამმართველოსა და სომხური თემის მიერ შემოტანილი 95 საკითხი განიხილა.

„კომისიამ საქართველოს მართლმადიდებელი ეკლესიის მიერ წარმოდგენილი 66 საკითხიდან დადებითად გადაწყვიტა 62, უარი ეთქვა 2 საკითხზე და დახარვეზდა 2 საკითხი. საქართველოს მუსლიმთა სამმართველოს 26 საკითხიდან დადებითი რეკომენდაცია გაიცა 25 საკითხზე, 1 საკითხზე ეთქვა უარი. სომხური თემის მიერ წარმოდგენილი 3 საკითხი დადებითად გადაწყდა”, - აღნიშნულია გავრცელებულ ინფორმაციაში.