გეგმური სარეაბილიტაციო სამუშაოების გამო, 16 მარტს, „ენერგო-პრო ჯორჯიას“ ქსელში არსებული აბონენტების ნაწილს ელექტროენერგიის მიწოდება შეეზღუდება.

კომპანიის ცნობით, გამანაწილებელ ქსელში დაგეგმილი სარეაბილიტაციო სამუშაოების გამო, 16 მარტს 12:00 საათიდან 16:00 საათამდე, ენერგომომარაგება დროებით შეეზღუდებათ აბონენტებს სოფლებში: ქსოვრისი, ილტოზა, მუხრანი, მჭადიჯვარი, ქსანი, ვარდისუბანი, ოძისი, ბაქაქურები, ხოლო 14:00 საათიდან 17:00 საათამდე, დუშეთის მუნიციპალიტეტის სოფლებში: ქვეშეთი, არახვეთი, ზემო და ქვემო მლეთა, ნაღვარევი, გვიდაქე, გოგნაური, სეფე და მიმდებარე სოფლებში.

11:00 საათიდან 16:30 საათამდე ელექტროენერგიის მიწოდება შეუწყდებათ მომხმარებლებს ყაზბეგის მუნიციპალიტეტის სოფლებში: სნო, აჩხოტი, არშა, ახალციხე, კარკუჩა, ჯუთა, გაიბოტენი, გარბანი. 17:00 საათიდან 19:30 საათამდე კი აბონენტებს კობში.

კომპანიის განმარტებით, სარეაბილიტაციო სამუშაოების დასრულებისთანავე ელექტროენერგიის მიწოდება ჩვეულ რეჟიმში აღდგება.