ბრიტანეთის საგარეო საქმეთა მინისტრი - მოლდოვის რუსეთისგან დაცვის საუკეთესო გზა უკრაინის დაცვაა

გაერთიანებული სამეფოს საგარეო საქმეთა მინისტრის, ჯეიმს კლევერლის განცხადებით, მოლდოვის რუსეთის თავდასხმისგან დაცვის საუკეთესო გზა უკრაინის დაცვაა, - ინფორმაციას Reuters-ი ავრცელებს.

გამოცემის ცნობით, ჟურნალისტების კითხვაზე, გეგმავს თუ არა გაერთიანებული სამეფოს მოლდოვას სამხედრო მხარდაჭერა გაუგზავნოს, ჯეიმს კლევერლი პასუხობს:

„მტკიცედ გვჯერა, რომ მოლდოვის ფიზიკური თავდასხმისგან დაცვის ერთ-ერთი საუკეთესო გზა რუსეთისგან თავის დაცვაში უკრაინელების დახმარებაა“.

მანამდე კრემლმა განაცხადა, რომ მოლდოვას მოსკოვის მიმართ „გაუმართლებელი და უსაფუძვლო ცუდი აზრი აქვს შექმნილი“ და რომ „რუსეთი ღიაა კარგი ურთიერთობებისთვის“.