უკრაინის საგარეო საქმეთა მინისტრმა დმიტრო კულებამ და აშშ-ის სახელმწიფო მდივანმა ენტონი ბლინკენმა უკრაინული მშვიდობის ფორმულა განიხილეს. ამის შესახებ ინფორმაციას კულება “ტვიტერის” პირად გვერდზე ავრცელებს.

“ვესაუბრე სახელმწიფო მდივან ბლინკენს უკრაინის მშვიდობის ფორმულის შესახებ და საარტილერიო ამუნიციის მიწოდების დაჩქარების გზებზე. აშშ-სთან და სხვა პარტნიორებთან დღე და ღამე ვმუშაობთ, რათა უკრაინას ყველა ის საბრძოლო მასალა ჰქონდეს, რომელიც თავდაცვითი და კონტრშეტევითი ოპერაციებისთვის გვჭირდება”, - წერს კულება.