პარლამენტის საპროცედურო საკითხთა და წესების კომიტეტმა ლევან იოსელიანის ადგილმონაცვლედ ქეთევან თურაზაშვილის კანდიდატურას მხარი დაუჭირა.

პარლამენტის გამოკლებული წევრის, ლევან იოსელიანის ადგილმონაცვლის საკითხი საპროცედურო საკითხთა კომიტეტმა დღევანდელ სხდომაზე განიხილა, გადაწყვეტილებას კი პარლამენტი უახლოეს პლენარულ სხდომაზე მიიღებს.

ლევან იოსელიანი პარლამენტმა ომბუდსმენის თანამდებობაზე აირჩია, რაც პარლამენტის წევრობასთან შეუთავსებელი თანამდებობაა.

იოსელიანს ოპოზიციის კვოტით პარლამენტის ვიცე-სპიკერი პოსტი ეკავა. შესაბამისად, პარლამენტში ერთი ოპოზიციონერი ვიცე-სპიკერის თანამდებობა ვაკანტურია.