ჩვენ ევროკავშირში გვინდა ღირსებით შესვლა და არა ცალი ფეხით ან ხელით, - ეს განცხადება დღეს პარლამენტში, უმრავლესობის დეპუტატმა გურამ მაჭარაშვილმა გააკეთა.

მაჭარაშვილის შეფასებით, "ქართულმა ოცნებამ" ევროპული რეკომენდაციების ძირითადი ნაწილი - მისი 90% შეასრულა, "მაშინ როცა ოპოზიცია 12 პუნქტზე მუშაობის პროცესს ბოიკოტს უცხადებდა და პოლიტიკურ შატალოზე დადიოდა".

"ევროკავშირში ღირსეული, სუვერენიტეტშენარჩუნებული სახელმწიფო უნდა შევიდეს. ასეთი ვჭირდებით ყველგან - არავის ვჭირდებით მონური სტატუსით, რაც მონური ფსიქოლოგიის მქონე ადამიანებისგან გამოჩნდა", - განაცხადა გურამ მაჭარაშვილმა.