გია ვოლსკი - როგორც რუსეთისთვის არის საგანგებოდ მნიშვნელოვანი ტერიტორიების ოკუპაცია და ქვეყნის დესტაბილიზაცია, სწორედ ისეა საგანგებოდ მნიშვნელოვანი რადიკალური ოპოზიციისთვის ვითარების დესტაბილიზაცია

როგორც რუსეთისთვის არის საგანგებოდ მნიშვნელოვანი ტერიტორიების ოკუპაცია და ქვეყნის დესტაბილიზაცია, სწორედ ისეა საგანგებოდ მნიშვნელოვანი რადიკალური ოპოზიციისთვის ვითარების დესტაბილიზაცია, - ამის შესახებ პარლამენტის პირველმა ვიცე-სპიკერმა გია ვოლსკიმ განაცხადა.

მისი თქმით, ოპოზიცია პარლამენტში უნდა მუშაობდეს, თუმცა, მათ სხვა მიზნები აქვთ.

"ვითარების დესტაბილიზაციას რასაკვირველია, არ მოუხდება მუშაობა თუნდაც, დაპირისპირებული პოზიციების ფონზე, მაგრამ მუშაობა ჰქვია ამას, პოზიციების დაპირისპირება, რაზეც უნდა იმსჯელოს საბოლოოდ ჩამოყალიბებულმა ფორმატმა, რასაც ჰქვია ევროკავშირის სტრუქტურა. პოზიციის დაფიქსირება პროფესიონალურ დონეზე ხდება პარლამენტის შიგნით, დანარჩენი ხდება ქუჩაში იმ მეთოდებით რასაც ვანო მერაბიშვილი კარნახობს, გეგმავს და ახორციელებს. ეს არის განსხვავება, ერთ სტრატეგიას კარნახობს ევროკავშირი, მეორეს მიყვება "ნაცმოძრაობა" ვანო მერაბიშვილის მეთაურობით",- განაცხადა ვოლსკიმ.

ის ასევე გამოეხმაურა "ლელოს" დღევანდელ ბრიფინგს, რომელზეც "ქართულ ოცნებას" მოუწოდეს, დაიწყონ რეალური მუშაობა რეკომენდაციების შესასრულებლად და ნუ აფერხებენ იმ კანონპროექტების განხილვას, რომელიც "ლელომ" დააინიცირა. ვოლსკი აცხადებს, რომ "პრინციპულად არასწორია თქმა, რომ კანონპროექტი თაროზეა შემოდებული".

"არის რეგლამენტი და იმის მიხედვით განხილვის აუცილებლობაც არსებობს, მაგრამ ნუ დავამახინჯებთ რეალობას, შეიქმნა სამუშაო ჯგუფები, რომელშიც განზრახ არ მიიღეს მონაწილეობა, რათა დესტრუქციის რეჟიმი შენელებული არ ყოფილიყო და ამ ყველაფერში "ლელოც" სერიოზულ მონაწილეობას იღებდა",- აცხადებს ვოლსკი.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024