სახალხო დამცველთან შეხვედრა დამაიმედებელი იყო, ვიტოვებთ იმედს, რომ ბატონი ლევანი კომპეტენციის ფარგლებში მაქსიმალურად იქნება ჩართული, - ამის შესახებ სტუდენტმა ლუკა ჭოხონელიძემ სახალხო დამცველთან შეხვედრის შემდეგ განაცხადა.

„მისასალმებელია, რომ ლევან იოსელიანმა გამოთქვა მზაობა, რომ შეხვედრილიყო სტუდენტებს. გავუზიარეთ ის ბრალდებები, რომელსაც „ქართული ოცნება“, თუ სამთავრობო ტელევიზიები ჩვენს წინააღმდეგ ავრცელებენ. გავუზიარეთ რა სამართალდარღვევები იყო პოლიციელების მხრიდან ჩვენი მოძრაობის წევრებზე და ჩვენს მეგობრებზე და ვიტოვებთ იმედს, რომ ბატონი ლევანი კომპეტენციის ფარგლებში მაქსიმალურად იქნება ჩართული, მან ასევე მოგვცა პირობა, რომ ჩვენი მეგობრების სასამართლო პროცესებზე წარმოდგენილები იქნებიან სახალხო დამცველის აპარატის წარმომადგენლები“, - განაცხადა სტუდენტმა ლუკა ჭოხონელიძემ.