გიგა ბოკერია - ყველა თავს იტყუებს, ვინც იძახის, რომ ოპოზიციას შეუძლია აიძულოს რეჟიმი, გახდეს დემოკრატიული

კახა კალაძემ დღეს გაიმეორა იგივე ღია პროპაგანდა, რაც უკვე თვეებია არის, რომ ომს გვაძალებს დასავლეთი, თქვენ იომეთ, თქვენ მდიდრები ხართო, რა 12 პუნქტზეა საერთოდ ლაპარაკი?! - ამის შესახებ „ევროპული საქართველოს“ ლიდერმა, გიგა ბოკერიამ „პალიტრანიუსის“ გადაცემა „360 გრადუსში“ განაცხადა, რითაც დედაქალაქის მერის, კახა კალაძის განცხადებას გამოეხმაურა.

მისივე თქმით, ყველა თავს იტყუებს, ვინც ფიქრობს, რომ შეუძლია აიძულოს რეჟიმი, გახდეს დემოკრატიული და ევროკავშირის 12 პუნქტი შეასრულოს.

„მთავრობა პუტინისტური პროპაგანდის ამ ბოდვას იმეორებს, რომ თავისუფალი სამყარო ჩვენი მტერია. როდემდე უნდა გაგრძელდეს ვინმეს მხრიდან თავის მოტყუება? ყველა თავს იტყუებს, ვინც იძახის, რომ ოპოზიციას შეუძლია აიძულოს რეჟიმი, რომელიც შინაარსით ანტიდასავლური და პუტინისტურია, რომ გახდეს დემოკრატიული“, - განაცხადა გიგა ბოკერიამ.

გიგა ბოკერია გადაცემაში „მოქალაქეების“ ლიდერის, ალეკო ელისაშვილის მიერ გაკეთებულ განცხადებას გამოეხმაურა, რომლის მიხედვითაც, აუცილებლად უნდა ვაიძულოთ ხელისუფლება შეასრულოს ევროკავშირის 12 პუნქტი. ბოკერიას თქმით: „ცალკე საკითხია ის, მაგ ადამიანები არიან თუ არა ამ რეჟიმის ოპონენტები“.

გიგა ბოკერიას განცხადებით, „ევროპულ საქართველოს“ განსხვავებული პოზიცია აქვს, რომ თუკი საქართველოს ისეთი მთავრობა არ ეყოლება, რომლის მიზანიც ევროკავშირთან რეალური დაახლოება იქნება, მაშინ კანდიდატის სტატუსიც არაფერში დაგვეხმარება.

„ჩვენი, ევროპული საქართველოს“ პოზიცია არის განსხვავებული, იმ ვითარებაში, როცა გვყავს რეჟიმი, რომელიც იმ სამყაროს, რომელში ინტეგრაციის გზებსაც ვარჩევთ, მტრად მიიჩნევს და ამ კამპანიას ეწევა. ცოტა ხნის წინ, რომ არა ქუჩაში გამოსული ხალხი, აპირებდა პირდაპირ კანონის მიღებას, სადაც, მათივე განმარტებით სამიზნე იყო ევროპა და ამერიკა, ამ რეჟიმის პირობებში გადაწყვეტილება კანდიდატის სტატუსის მინიჭების შესახებ თუკი იქნებოდა მიღებული წარსულში ან იქნება მომავალში, ეს იქნება გეოპოლიტიკური გადაწყვეტილება, მაგრამ რომც მიიღონ ეს გადაწყვეტილება, თუ არ გყავს მთავრობა, რომელიც თავის ამოცანად ისახავს ნატო-ში წევრობას, ევროკავშირთან რეალურ დაახლოებასა და გარდაქმნას, ეს კანდიდატის სტატუსი რაში დაგეხმარება?“, - განაცხადა გიგა ბოკერიამ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024