რუსული კერძო სამხედრო კომპანია „ვაგნერი“ მაისის შუა რიცხვებამდე, დაახლოებით, 30 000 ახალი მებრძოლის გადაბირებას გეგმავს, - ამის შესახებ მისმა დამფუძნებელმა ევგენი პრიგოჟინმა განაცხადა.

მისი თქმით, „ვაგნერი“ ყოველდღიურად, დაახლოებით, 500-800 ადამიანის რეკრუტირებას ახორციელებს.

„შესაძლოა, გარკვეული დროის შემდეგ ეს რაოდენობა შემცირდეს, თუმცა მაისის შუა რიცხვებისთვის ჩვენ ვგეგმავთ, რომ დანაყოფის მებრძოლების რაოდენობა, დაახლოებით, 30 000-ით გაიზრდება“, - განაცხადა პრიგოჟინმა.

შეგახსენებთ, პრიგოჟინმა რამდენიმე დღის წინ განაცხადა, რომ რეკრუტირების ცენტრები რუსეთის 42 ქალაქში გაიხსნა.