ბექა ოდიშარიას შეფასებით, ოჯახი და გარემოცვა მიხეილ სააკაშვილზე ზეწოლას ახორციელებს
ზედაპირზე რაც დევს, ეს არის მისი გარემოცვის მავნებლობა და ბოდიშს ვიხდი, მაგრამ ოჯახისაც, - ასე ეხმიანება საპარლამენტო უმრავლესობის წევრი ბექა ოდიშარია მიხეილ სააკაშვილის ჯანმრთელობის მდგომარეობას.
ოდიშარია მიიჩნევს, რომ ოჯახი და გარემოცვა მიხეილ სააკაშვილზე ზეწოლას ახორციელებს. "ალბათ, უკვე ზეწოლით აზიანებენ ამ ადამიანის ჯანმრთელობას საპირისპიროდ იმისა, რასაც რატი ბრეგაძე, იუსტიციის სამინისტრო, პენიტენციური სისტემა, ექიმები და „ვივამედი“ აკეთებს.
„ყველა ცდილობს ურჩიოს ამ ადამიანს, როგორ გამოვიდეს იმ მდგომარეობიდან, რომელშიც ხელოვნურად არის ჩავარდნილი. არსებობს ხელოვნური თამაშგარე მდგომარეობა. მგონი, „ქართული ოცნებაა“ მხოლოდ დაინტერესებული და პენიტენციური სისტემა, რომ ეს ადამიანი ჯანმრთელი იყოს, დანარჩენს, ყველას ერთი სული აქვს, რამენაირად საქმე იმგვარად წავიდეს, რომ იპარაზიტონ,“ - განაცხადა ოდიშარიამ.
v-if="article.gallery" v-html="article.gallery"
