ეროვნული სატყეო სააგენტოს სამცხე-ჯავახეთის სატყეო სამსახურის თანამშრომლების მიერ, ბორჯომის მუნიციპალიტეტის სოფელ საკირეში, ხე-ტყის უკანონო მოპოვებისა და ტრანსპორტირების ფაქტი გამოვლინდა. ამის შესახებ ინფორმაციას ეროვნული სატყეო სააგენტო ავრცელებს.

მათივე ცნობით, მოქალაქე 5 კუბურ მეტრამდე წიწვოვანი სახეობის სამასალე მერქანის ტრანსპორტირებას უკანონოდ ახორციელებდა. ფაქტზე შედგა ადმინისტრაციული სამართალდარღვევის ოქმი. სატრანსპორტო საშუალება დაილუქა, უკანონოდ მოპოვებული სამასალე მერქანი ახალციხის „საქმიან ეზოში” გადატანილია.