კახა კალაძემ ტაქსების რეფორმა თავიდანვე იმიტომ წამოიწყო, რომ ამ უდიდესი სფეროს მონოპოლიზირება მოახდინოს და ხელში ჩაუგდოს კონკრეტულ ადამიანს ან ადამიანთა ჯგუფს, რომელიც დაახლოებულნი იქნებიან კახა კალაძესთან და „ქართულ ოცნებასთან“, - ამის შესახებ „ერთიანი ნაციონალური მოძრაობის“ თბილისის საკრებულოს წევრმა, ირაკლი ნადირაძემ განაცხადა.

მისივე თქმით, რაც უფრო მეტი დრო გავა, ტაქსის მძღოლები ხელისუფლებისა და მერიის მხრიდან წნეხსა და დაწოლას კიდევ უფრო მეტად იგრძნობენ, საბოლოოდ კი, იძულებულები გახდებიან, რომ ერთი კონკრეტული ადამიანის, ან პირთა ჯგუფის დაქვემდებარებაში იყვნენ.

„ფაქტია, რომ ტაქსების რეფორმა კახა კალაძემ თავიდანვე იმიტომ კი არ წამოიწყო, რომ „ტაქსისტების“ მდგომარეობა გაეუმჯობესებინა, არამედ იმიტომ, რომ საბოლოო ჯამში, ამ რეფორმის მიზანია, რომ მონოპოლიზირება მოახდინოს ამ უდიდეს სფეროსი და ხელში ჩაუგდოს კონკრეტულ ადამიანს ან ადამიანთა ჯგუფს, რომელიც დაახლოებულნი იქნებიან კახა კალაძესთან და „ქართულ ოცნებასთან“. რაც უფრო მეტი დრო გავა, „ტაქსისტები“ კიდევ უფრო მეტად იგრძნობენ ამ წნეხსა და დაწოლას ხელისუფლებისა და მერიის მხრიდან, საბოლოოდ კი, იძულებულები გახდებიან, ისინი იყვნენ ერთი კონკრეტული ადამიანის ან პირთა ჯგუფის დაქვემდებარებაში,“ - განაცხადა ნადირაძემ.