გერმანიის კანცლერი ოლაფ შოლცი აცხადებს, რომ უკრაინაში ომი მალე არ დასრულდება და მშვიდობა შეუძლებელია რუსული ჯარების გაყვანის გარეშე.

„მზად უნდა ვიყოთ იმისთვის, რომ ამას შეიძლება დიდი დრო დასჭირდეს“, - განაცხადა გერმანიის კანცლერმა Rheinische Post-ის მიერ ორგანიზებულ ღონისძიებაზე.

მისი თქმით, ომის დამთავრების შემდეგაც, ყველაფერი ნორმალურ მდგომარეობას მაშინვე ვერ დაუბრუნდება.

„მაგრამ ჩვენ არ უნდა შევწყვიტოთ ძალისხმევა მის დასასრულებლად", - დასძინა შოლცმა.

მისი თქმით, რუსეთის ფედერაციას უკრაინაში მშვიდობის დამყარების პირობების კარნახის საშუალება არ უნდა მიეცეს“.

„უკრაინას უნდა შეეძლოს დაიცვას თავისი ტერიტორიული მთლიანობა და დამოუკიდებლობა“, - განაცხადა გერმანიის კანცლერმა და დასძინა, რომ ვერ ხედავს რუსეთსა და უკრაინას შორის მშვიდობის შესაძლებლობას რუსული არმიის გაყვანის გარეშე.

„რუსეთის პრეზიდენტმა ვლადიმერ პუტინმა არ უნდა მოიგოს ომი. საზღვრები ძალის გამოყენებით არ უნდა დაირღვეს“, - განაცხადა შოლცმა.