რუსეთის ახალი ამბების სააგენტოს „რიას“ ინფორმაციით, მოსკოვში ვიზიტის დროს ჩინეთის პრეზიდენტმა სი ძინპინმა ვლადიმერ პუტინი ჩინეთში მიიწვია.

სააგენტოს ცნობით, ლიდერებმა საუბრისას აღნიშნეს, რომ რუსეთის პრეზიდენტი პეკინში 2023 წლის ბოლომდე ჩავა. ამასთან, ჩინეთსა და რუსეთს შორის სამთავრობათაშორისო მოლაპარაკებების მიზნით სი ძინპინმა ჩინეთში რუსეთის პრემიერ-მინისტრი მიხეილ მიშუსტინიც მიიწვია.

სი ძინპინი, სამდღიანი ვიზიტით, მოსკოვში გუშინ ჩავიდა. რუსეთისა და ჩინეთის პრეზიდენტებს შორის მოლაპარაკებების პირველი რაუნდი ოთხსაათ ნახევარი გაგრძელდა.